BUTUAN CITY – Gikustudiya na sa City Explosives and Canine Unit kon CECU ning siyudad sa Butuan ang 6 ka mga bala sa 40MM o M203 nga nakit-an sa nakalabay nga adlaw sa sagbutan nga bahin sa Gabor Compound, Barangay Ambago, Butuan City.
Sigon ni Police Lt. Crispulo Alburo, tigpamaba sa Butuan City Police Office nga nakit-an na lamang ang maong mga bala sa usa ka Pat Almer D Adorable, Asst Engr. 1 sa PNP REU13 sa dihang kini naglabay og bagol sa maong dapit niadtong sabado, Pebrero 15 apan sa nakalabay nga adlaw lang personal nga nataho sa RECU-13.
Gelayon usab nga gihimo og recovery and render safe procedure ang mga personahe sa mga personahe sa City Explosives and Canine Unit.
Sumala pa ni Police Lt. Crispulo Alburo nga gitoohang gibilin og gilubong ang unom ka mga bala nga hangtud sa karun padayon pang gisuta kung kinsa ang tag-iya niini.
Giklaro usab sa opisyal nga base sa assessment sa otoridad, anaa pa sa kondisyon ang mga bala nga delikado kung napadool kini sa kalayu.
