BUTUAN CITY – Gikostudiya na sa Department of Social Welfare and Development ang duha ka mga batang lalaki nga nag-edad og 8 ug 10-anyos human matud pa nila gilugos ang ilang kaduwa nga 6-anyos nga batang babaye didto sa Mabalacat City, Pampanga.
Sigon ni PCol Jay Dimaandal, provincial director sa Pampanga Provincial Police Office, nagduwa matud pa sa basketball court ang biktima ka-uban ang iyang mga manghod dihang gidala kini sa 10-anyos nga batang lalaki sa kasagbutan ug didto gilugos.
Dihang nahuman ang 10-anyos nga bata, misunod kaniya ang lain 8-anyos nga lalaking kadula ra usab nila ug dihang nahuman sa ilang dautang tuyo, naghilak na nga mipa-uli sa ilang balay nang biktima ug misumbong sa iyang inahan dayong sumbong ngadto sa kapulisan nga miresulta sa pagsundo sa mga suspetsado ug gipakostudiya sa CSWD-Mabalacat alang sa tukmag disposasyon.
Wala magpagawas og pamahayag ang mga suspetsado ug ang ilang mga ginikanan samtang pursigido ang ginikanan sa biktima nga hatagan og dili makalimtang leksyon ang mga suspetsado.
