6-anyos nga bata, patay human nahikog sa gidulaang ribbon sa Butuan City

BUTUAN CITY – Wala na’y plano pang ipa-otopsiya sa pamilya Aviagador sa Purok 5, Brgy. Mahogany ning syudad ang ilang 6-anyos nga anak kinsa napalgan na lang nga nagbitay sa punuan sa bayabas og nahikot ang li-og sa gidulaang kolor pula nga ribbon kagahapon sa ala-1:45 sa hapon.
Sigon sa amahang si Narrie Aviagador, wala mabantayi ang pagdula sa iyang anak samtang mikatkat sa pinutlan na nga sanga sa bayabas og nagdala-dala pa’g ribbon nga nagamit na nga paghikot sa karton nga sudlan sa cake.
Posible matud pa nga gihikot sa iyang anak ang ribbon diha sa sanga niini og nadakin-as sa iyang pagkatkat nga miresulta sa pagkahigot niini sa iyang li-og.
Gidala pa sa ospital ang biktima apan gideklara na kining dead on arrival sa attending physician. (Beth Ruiz)