BUTUAN CITY – Unom ang angol sa natigayong pinikahay og mga bala atol sa katausang adlaw sa pag-file og certificate of candidacy sa lungsod sa Shariff Aguak, Maguindanao del Sur kagahapon human misulay pag-file sa iyang kandidatura pagka-bise mayor sa maong lungsod ang usa ka indibidwal nga duna’y pending nga mga kasong kriminal sa korte.
Sa report sa Shariff Aguak PNP, mi-ulbo ang kagubot dihang gipa-ilalom sa questioning ang kandidato ug migawas ang pangalang gipangita sa balaud nga tukma sa iyang pangalan nga gipasamutan pa dihang wala giproseso sa municipal office sa Commission on Elections ang kandidatura niini tungod kay nagdala lang kini og Certificate of Nomination and Acceptance kon CONA inay nga certificate of candidacy kon COC.
Gikumpirma ni Maguindanao del Norte Provincial Election Supervisor Atty. Nabil Mutia nga gibalhin na sa COMELEC-BARMM (Bangsamoro Autonomous Region in Muslim Mindanao) sulod sa Bangsamoro Government Center ang COC Filing diin didto na naka-file sa ilang kandidatura ang mga kandidato sa UBJP.
Nasayrang sila Sultan Kudarat Mayor Datu Tucao Mastura maoy mikandidato pagka-gobernador sa Maguindanao del Norte, ug si Congresswoman Bai Dimple Mastura nga kongresista gihapon sa maong lalawigan.
Sigon sa Shariff Aguak Municipal Disaster Risk Reduction and Management Office ug sa mga pulis, tulo ka mga residente sa maong lungsod ang angol samtang laing tulo gikan sa grupong nagpasi-ugda sa kagubot.
