BUTUAN CITY – Gitay-og sa 6.7-magnitude nga linog ang South Island sa New Zealand, base na sa pagkumpirma sa United States Geological Survey. Mi-igo ang linog pasado alas-2:43 sa hapon – oras sa maong nasud, samtang alas-9:43 kaganinang buntag usab, oras dinhi sa Pilipinas.
Duna kini giladmong 10-kilometros kansa nasubay sa tumoy nga bahin sa habagatan sa South Island og aduna’y natala nga ginagmay nga damyos. Ang epicenter sa linog nasubay usab sa gilay-ong 160 kilometros gikan sa mainland settlement Riverton, diin inisyal nga natala sa 7.0-magnitude adiser kini gi-downgrade.
Wala’y gi-isa nga tsunami warning, base na sa report sa Honolulu-based Pacific Tsunami Warning Center.
Hinuon gipahimangnuan sa emergency management agency sa New Zealand ang ilang mga residente nga likayan ang mga coastal areas tungod sa risgo sa kusog ug pinasahing gidak-on sa balud. Samtang gitay-og na usab sa mga aftershocks ang North Island.
