BUTUAN CITY – Subling nisaad ang Estadus Unidos ngadto sa Pilipinas sa commitment sa paghatag sa nasod og igong depensa ug kusog batok sa China, ilabi na sa kasamtangang bangi niini sa West Philippine Sea.
Kini ang giklaro ni US Defense Secretary Pete Hegseth atul sa high-level meeting tali sa duha ka opisyal sa pagbisita ni Presidente Ferdinand Bongbong Marcos sa Washington, D.C. karong taknaa.
Sa maong meeting, gisugat ang Presidente sa Pilipinas sa honor cordon, usa ka serimonyas sa militar nga gireserba lamang alang sa mga tag-as nga opisyal.
Sumala sa opening statement ni Marcos atul sa maong panagpulong, gikalipay matud pa niini ang padayong suporta sa US ngadto sa Pilipinas, kansa importante matud pa ilabi na sa nagpadayong hulga nga nasinatian sa Pilipinas sa may West Philippine Sea.
Dugang ni Marcos nga dakong tabang matud pa ang dugay nang relasyon sa Pilipinas ingon man sa Estadus Unidos alang sa pag-mintenar sa kalinaw ug stabilidad sa West Philippine Sea.
Subay niini, gipaniguro usab ni Sec. Hegseth nga magpabiling lig-on ang Mutual Defense Treaty (MDT) tali sa Pilipinas ingon man sa US. Dugang sa opisyal nga naglangkob ang maong kasabutan sa mga armed attacks sa Philippine armed forces, public vessels, ingon man aircraft, lakip na usab ang Coast Guard units, sa bisan asang bahin sa Dagat Pasipiko.
Sayrang ang panagkita ni Marcos ug Hegseth kay usa sa anaa sa listahan sa Presidente sa tulo ka adlaw niining pag bisita sa US, diin lauman usab nga hisgutan pa sa Pangulo ug sa Presidnete sa US ang uban pang isyu sama nalang sa economic cooperation, immigration, taripa, ug daghan pang uban.
