BUTUAN CITY – Mi-abot na sa 290 ka mga indibidwal ang patay human nahagsa ang Air India Plane pila lang ka gutlo human sa pag-take off niini kagahapon sa Ahmedabad dihang padulong unta sa London, United Kingdom.
Lakip sa mga nangamatay ang mga anaa sa nahagsaaan niining medical college hostel.
Samtang milagrong nabuhi ug nagpa-alim karon sa ospital, ang pasaherong si Vishwash Kumar Ramesh, usa ka British National, ug naglingkod sa seat 11-A sa Boeing 787-8 Dreamliner flight.
PILILA SA MGA NAILHAN NGA BIKTIMA
Vijay Rupani, kanhi chief minister sa Gujarat state, India
Patay sa maong plane crash si Vijay Rupani, kanhi chief minister sa Gujarat state sa India. Nagserbisyo kini isip chief minister sa western Indian state gikan niadtung 2016 ngadto sa 2021.
Membro usab siya sa governing BJP party.
Pamilya Nanabawa
Sayrang anaa untana sa surprise trip ang nasangpit British nga pamilyang nailang sila si Akeel Nanabawa, ang amahan, Hannaa Vorajee ingon man ang bugtong anak nga si Sara Nanabawa.
Residente ang nasangpit nga pamilya sa Gloucester, England.
Magtiayong Fiongal ug Jamie Greenlaw-Meek
Kasado ang magtiayong Fiongal ug Jamie Greenlaw-Meek, mga Briton nga dunay gidalang spiritual wellness centre sa London.
Subay sa video nga katapusang gipost sa nasangpit nga magtiayon, nakita pa ang mga niini nga nagkinataw-anay ug nag lingaw-lingaw paghisgot sa ilahang byahe sa India.
Pamilyang Syed
Gikan sa London ang Pamilyang Syed, kansa gilangkuban sa amahan nga si Javed ug inahang si Mariam uban sa ilahang duha ka mga bata.
Nagtrabaho ang inahan sa Harrods, usa ka Department Store sa London, samtang ang amahan nga si Javed, nagtrabaho usab sa west London hotel.
Mag-lola nga Modha
Lakip sa namatay sa maong disgrasya sila si Raxa Modha ug dos-anyos niining apo nga si Rudra Modha.
Kahibaloang padulong unta sa England ang duha alang sa paghandom sa lubong sa ningtaliwang bana ni Raxa niadtung Abril nga si Kishor Mudha.
Namatay si Kishor tungod sa sakit nga cancer.
SA KASAMTANGAN
Sa kasamtangan, anaa na sa 265 ka mga indibidwal ang nasutang patay tungod sa maong plane crash. Lakip sa maong mga biktima ang 241 ka mga pasahero, mga crew sa nasangpit nga airplane, ug mga tawo sa ubos asa nahagsa ang nasangpit nga abyon.
