BUTUAN CITY – Gisaway ni kanhi Commission on Election Commissioner nga si Atty. Rowena Guanzon ang Department of Justice kon DOJ ug gipanawagan niining tun-an og insakto ang kaso sa mga nangawalang sabungeros.
Kini ang pamahayag sa kanhi opisyal, nga daw pa-igo sa pamahayag ni Department of Justice Secretary Jesus Crispin Remulla kansa nagtaho nga “main player” matud pa sa maong kaso si Charlie “Atong” Ang.
Sumala ni Guanzon, kinahanglang fairness ang standard sa maong ahensya sa mga akusado, ug kianahanglang kanunayng dunay due process sa maong kaso. Kahinumdumang dayag nga gibutyag ni DOJ Secretary Jesus Crispin Remulla ning nakalabayng adlaw nga kwarta matud pa ni Atong Ang ang nagpondo sa operasyon sa mga illegal nga gimbuhaton may kalambigitan sa mga missing sabungeros, diin lakip matud pa niini ang pagpondo sa mga contractors ingon man sa mga police personnel.
Apan bag-o pa lamang nakadawat ang maong departamento og pormal nga reklamo gikan sa pamilya sa mga missing sabungeros batok ni Ang, ug uban pa. Kasong murder ug serious illegal detention ang gisang-at sa mga niini. Apan sigonni Gunazon, ang DOJ untana ang kadangpan sa katawhan, ug dili ang manguna pagtudlo isip suspek sa mga wala pa mataral.
Una nang nangulipas sa maong hisgutanan si Remulla, diin sumala niini, patas matud pa ang ilahang imbistigasyon, ug dili sila motudlo kung wala pa nila paminawa ang maong indibidwal.
