BUTUAN CITY – Gipaniguro sa Philippine National Police nga wala gipasagdahan sa ilahang ahensya ang kaso sa mga missing sabungeros. Sumala sa tigpamaba sa PNP nga si PBGen. Jean Fajardo nga padayon ang imbistigasyon sa kapulisan sa maong kaso ilabi na sa Criminal Investigation and Detection Group kon CIDG arun matud pa maresulbar na ang maong kaso ug mahatagan na og hustisya ang mga paryente sa mga nangawalang sabungeros.
Gipanawagan usab sa tigpamaba sa publiko nga abli matud pa ang ilahang buhatan arun dawaton ang bisan unsa mang impormasyon may kalambigitan sa maong kaso.
Pabilin usab nga suportado sa PNP ang ginahimong lakang sa Department of Justice ingon man sa mga katimbayayung niining mga ahensya arun mahatagan pa og igong katubagan ang moang kaso.
Samtang, giklaro usab sa Philippine National Police nga gitanggal sa pwesto isip Criminal Investigation and Detection Group kon CIDG-Director si PBGen. Romeo Macapaz may kalabutan sa isyu sa missing sabungeros.
Sumala ni PBGen. Fajardo nga personal Request matud pa ni Macapaz nga ibalhin kini gikan sa CIDG ngadto sa Police Regional Office 12 arun mamahimong Regional Director. Dugang pa ni Fajardo nga dili matud pa patas ang mga espikulasyon nga ning kuyanap nga dunay nagsul-sol kang PNP Chief Gen. Nicolas Torre III nga tangtangon sa pwesto si Macapaz.
Sumala pa ni Fahjardo nga walay si kinsa man sa ilahang han-ay ang mamahimong maka dektar sa kung unsa ang himoon sa ilahang hepe. Subay niini naglaum ang kapulisan nga makatabang ang presensya ni Macapas sa Parliamentary Election sa Bangsamoro Autonomous Region in Muslim Mindanao.
