BUTUAN CITY- Gi-anunsyo ni United States President Donald Trump nga aduna nay nakapledge nga $5 bilyon kon kapin P289 million, ang gi-saad nga pondo sa “Board of Peace” alang sa pagbagon pag-usab sa Gaza, gawas sa liboan ka personnel nga i-gahin alang sa international stabilization ug police forces sa nasangpit nga teritoryo.
Sumala ni Trump, pormal nga i-anunsyo ang mga saad sa 1st meeting sa board sa Washington karung Huwebes.
Apan, wala na niini gihisgutan pa kung unsa nga mga nasud ang naghatag og pondo. Samtang, sigon sa Indonesia, nga posibleng magtudlo kini og hangtud 8,000 ka sundalo isip parte sa humanitarian ug peace mission sa Gaza, 1st concrete commitment nga nadawat sa administrasyon.
Matud sa United Nations, World Bank, ug European Union, gibana-banang $70 bilyon ang kinahanglan alang sa kinatibuk-ang reconstruction sa Gaza human ang kapin duha ka tuig nga kagubot tali sa Israel ug Hamas.
