BUTUAN CITY – Gisugdan na kagahapon, Lunes, sa probinsyal nga panggamhanan sa Agusan del Norte ang pagsa-ulog sa ika-57 nga kasumaran sa kamugnaan ning lalawigan ug ang ikanapulo usab nga Sadow Festival.
Sa pakighinabi sa Bombo Radyo Butuan, gibutyag ni Edgar Palrca Jr., ang Community Affairs Office Chief sa Agusan del Norte provincial government, mulungtad hangtud sa Hunyo 23 ang kasa-ulugan nga gi-ablihan pinaagi sa indigenous people kon IP ritual nga gipahigayon sa Capitol Covered Court ug gisundan sa usa ka thanksgiving mass ug pormal nga opening ceremony nga gipangunahan nila ni Gobernador Ma. Angelica Rosedell Amante, Kongresista Dale Corvera, Bise Gobernador Enrico Corvera, mga membro sa Sangguniang Panlalawigan ug mga empleyado sa Kapitolyo.
Apil sa mga kalihukan ang Agnor Tabo, Agrilympics ug Agnor Sugbangus ug sa alas-3 sa hapon ang Kulturang Agusanon, Ipasigarbo Ko! nga gipahigayon sa may Capitol Covered Court ug ang Drum and Lyre Competition nga gihimo didto sa lungsod sa Nasipit.
Samtang karong adlawa Hunyo 12, sa-ulugon sa probinsyal nga panggamhanan ang ika-126 nga kasumaran sa Adlaw sa Kaugalingnan kon Independence Day; ingon man Job Fair sa Dotties Place ug ang Provincial Chess Championship sa Cabadbaran City.
Sa Huwebes usab, Hunyo 13 mao na ang Sadow Float ug Street Dancing Competition nga himuon sa Cabadbaran City ukg pagka-Biyernes, Hunyo 14 – mao na ang Lutong Agusanon sa Capitol Covered Court, Arbor Day, Employees Night ug Rewards and Recognition sa Balanghai Hotel ukg uban pa.
Samtang lain pang mga kalihukan ang himuon sa musunod nga mga adlaw.
