BUTUAN CITY- Aduna nay 57 ka pamilya kon 110 ka indibidwal sa Barangay Masao, Butuan City, ang gipanghikling gikan sa coastal area sa Purok 1, 4, 5 ug 8 tungod sa kusog nga balod ug hangin nga dala ni Bagyong Basyang.
Sumala ni Barangay Kagawad Felix Lariba, kasamtangan nga anaa sa Masao Elementary School ang mga evacuees ug gisuportahan sa LGU Butuan ug ubang ahensya pinaagi sa paghatag og 3 ka sayanan aron magamit sa pagkuha sa mga katawhan nga kinahanglan ipahimutang sa evacuation center.
Gibutyag ni Lariba nga ang pagbakwit gihimo tungod sa mando sa kapitan kay ang balod misaka na sa lebel nga 170 ug milapas na sa mga kalsada sa Purok 1, Purok 8 ug Purok 5 nga direktang naapektuhan sa dagat, hinungdan nga delikado na alang sa mga istraktura ug residente sa baybayon.
