BUTUAN CITY –Hugot nga gitutokan karon ni Presidente Ferdinand Bongbong Marcos Jr. ang problema sa Pilipinas mahitungod sa online gambling ilabi na nga daghan na matud pang mga Pilipino ang na-adik sa nasangpit nga klase sa sugal.
Gisiguro usab sa Malacañang nga dili pasagdan sa Presidente nga maadadik pa sa maong sugal ang kadaghanan sa mga Pilipino. Tungod niini, daghan sa mga mambabalaod ang nagsugyot og balaodnon nga tumong ang pag-eagtang sa online gambling.
Sumala ni Palace Press Officer Under Secretary Claire Castro nga tun-an pa pag-ayo ang bisan unsang mga balaodnon nga ginasulong sa mga mambabalaod. Dugang niini nga didto matud pa modapig si Presidente Marcos sa kung unsa ang ikamaayo sa mga katawhang Pilipino. Andam usab matud pa ang Presidente nga maminaw sa mga sugyot mahitungod sa planong pagwagtang sa mga online sugal.
Samtang, abli usab ang Presidente sa sugyot sa Department of Finance nga patungan og buhis ang mga onling gambling operators. Dugang ni Castro nga dili matud pa babagan sa Presidente ang binsan unsang balaod mahitungod sa online gambling tungod kay nasayod matud pa ang Presidente sa kung unsa ang lintunganay sa nasangpit nga sugal ngadto sa mga Pilipino, basta lang matud pa nga dunay igong pagtuon alang niini.
Subay niini, ning saad ang Presidente nga pakusgon pa sa pangamhanan ang pagpakusog sa kampanya batok sa mga illegal ug dili reshistradong mga onling gambling.
