BUTUAN CITY – Gipatuman na usab kagahapong adlawa ang binulan nga City Government-Wide-Clean-Up Drive, kini human sa malampusong implementasyon sa city-wide clean-up drive nga inisyatibo sa “Ato Ini, Limpyohun Ta!” subay sa selebrasyon sa Adlaw Hong Butuan.
Gisugdan kini sa mga empleyado sa lokal nga panggamhanan.
Lakip sa gihimong mga aktibidad ang pagpangolekta sa basura, pagpamutol sa sagbot, ug pagpanghipos sa mga basura sa kadalanan, eskinita, ug public spaces, hilabi na sa palibot sa City Hall.
Ang kalihukan ipahigayon matag ika-tulo nga biyernes matag bulan, gikan alas tres sa hapon hangtud alas singko sa hapon. Pinaagi sa regular nga monthly clean-up drive, masiguro nga mahimong mas limpyo, ug hapsay ang mga local government offices alang sa katawhan ug mga bisita niini.
Ang CGB-Wide Clean-Up Drive usa ka pamaagi aron ipakita ang panaghiusa sa lokal nga panggamhanan ug komunidad sa pagpanalipod sa kinaiyahan ug sa paghatag og limpyo nga palibot alang sa tanang Butuanon.
