BUTUAN CITY – Patay na ang impeachment batok kang Vice President Sara Duterte, kini ang giklaro sa legal expert ning dakbayan nga si Atty. Vermin Quimco.
Sumala sa abogado sa pakighinabi ning sibyahan nga kung duna pa man galing manggawas nga hisgutanan mahitungod sa impeachment case, bugtong tagawtaw na lang kini sa mga kontra sa Bise Presidente.
Saysay ni Quimco nga tungod matud pa sa Rule 44 sa senado sa Pilipinas kansa nagkanayon nga kinahnaglang ma terminate ang tanang ‘unfinished business’ inig-expire na sa usa ka Kongreso. Nagpasabot matud pa nga ang tanang mga wala mahuman nga hisgutanan sa 19th congress, lakip ang impeachment, kay matapos na usab pagkahuman sa sa nasangpit nga Kongreso.
Mamahimo lamang matud pa kining mabalik sa 20th congress kung mobalik na usab kini sa uno. Pasabot nga mamahimo lamang mabalik sa hawanan sa Senado ang impeachment case kung balikon sa ubos balay balaoranan ang ilahang proseso.
Nagtoo usab ang abogado nga tatawng pamulitika ang nasangpit nga impeachment case tungod sa tubag sa House of Represenative sa mga pangutana sa Supreme Court. Sayrang gitubag sa House of Representatives ang mga pangutana sa Supreme COurt mahitungod sa legalidad sa ilahang pagpasaka og impeachment complaint batok sa Bise Presidente, diin gibarugan niiniang legalidad sa ilang mga lakang.
Apan giklaro sa kongreso nga dili matud pa nila mahimong ibulgar ang internal process sa ilang pag deliberate sa maong kaso tungod kay internal matters matud pa kini ug dili mamahimong susihon sa Supreme Court.
Positibo usab si Quimco nga dili ipadayon sa Senado ang maong kaso karong Agusto 4, ilabi na nga ang senado matud pa ang katapusang modesisyon kung ipadayon ba ang maong kaso, o dili.
