BUTUAN CITY – Plano i-asdang ni Leyte First District Representative Martin Romualdez sa legeslative agenda sa kamara ang mga sugyot-balaodnong makadala sa Pilipinas ngadto sa upper-middle income status adiser mahuman ang tuig 2025 o sa tuig 2026.
Kini subay na sa pamahayag ni Finance Secretary Ralph Recto nga posibleng makab-ot sa nasod ang upper-middle income status sa nasangpit nga mga panahon base na sa datus nga gipagawas sa World Bank ug sa economic performance.
Sumala ni Rumualdez nga isulong niini ang legislative priorities nga makatabang sa pagpadayon sa momentum sa nasod. Sumala sa Speaker nga tumong matud pa niyang makamugna og policy environment nga mosuporta sa paghatag og mga trabaho, pag-usabaw sa kita sa mga katawhan, ug sa pagsigurong dunay economic gains sa tanang sektor sa Pilipinas.
Dugang sa pa sa kongresista nga kinahanglang tutokan sa 20th Congress nga mapadayon ang inclusive growth, mapalambu ang public services ug susuporta sa investments sa imprastraktura, digitalization, ingon man sa human capital development.
Sigon sa opisyal nga importante ang mga legislative priorities nga maoy magpalig-on sa food security, access sa abot-kayang healthcare ug edukasyon ug s apagpalapnag sa infrastructure development pinaagi sa Build Better More program.
Sumala sa pinakabag-ong classification sa World Bank, nagpabilin pa gihapon ang Pilipinas sa lower-middle income category nga dunay gross national income per capita na 4,470 US Dollars niadtung nakalabayng tuig.
