BUTUAN CITY – Mikalas sa dili mominus 50 ka palestino ang gihimong pag-atake sa israel sa gaza Strip sulod lang sa 24 oras. Lakip niini ang tibook gabii nga pag-atake ning lunes nga miigo sa tent camp sa al-Mawasi area, ang gitawag nga humanitarian “safe zone”, diin 8 katawo ang napatay lakip na niini ang 2 ka bata.
Samtang sa Al-Aqsa Martyrs Hospital sa central city sa Deir el-Balah dunay tulo ka patay’ng lawas ang miabot human ang air attack sa tunghaan nga gihimo nagpuy-anan sa Nuseirat refugee camp.
Ang gisundan usab niini nga pag-atake sa sakyanan sa sibilyan nga dunay karga sa mga mamakwit unta ngadto sa al-Mawasi, mikalas sa duha katawo.
Sa laing pag-atake nahimong target ang sakyanan nga nagdala sa security personnel – volunteers nga nagtrabaho aron maseguro ang kaluwasan sa ipaabot nga humanitarian aid.
Sa laing pag-atake usab target ang tunghaan nga puno sa mga namakwit sa Nuseirat refugee camp sa central Gaza, diin usa ang patay.
Gawas kini sa 4 nga napatay sa amihanang parte sa maong kampo.
