BOMO BUTUAN – Muhatag og 50-mil pisos nga reward ang best friend sa igsoon sa usa sa upat ka mga mananagat nga pabilin pang missing human na-missing sa kadagatan tali sa Barangay Mabua ug San Ricardo sa Southern Leyte samtang sakay sa kolor green nga motorbanca nga duna’y tatak nga Divine.
Kini human nga malampusong naluwas ang duha ka mga ka-ubanan niining naila nga sila Joseph Mapalo, 35 anyos, residente sa Brgy. Cagniog ug Jesmar Besing, 36 anyos, residente sa Brgy. San Juan, parehong sakop sa Surigao City sa kadagatan sa Bohol ug Siquijor. Samtang pabiling missing sila Julieben Edradan-Caday, 31-anyos, ulitawo ug maoy boat operator uban sa iyang mga tripolante nga sila Allan Solitario, 44-anyos, Marcelo Doblas Jr., 34-anyos, pulos minyo ug ang mga ulitawong sila Joseph Mapalo, 35-anyos ug Timothy Codillo, 22-anyos.
Gika-ingong nadamyos matud pa ang ilang gisakyang bangka tungod sa mga dagkong balud sa kadagatan nga mihapak niini ug nanulod pa ang tubig sa dagat. Nag-post ang kabanay ni Caday nga muhatag sila og 50-mil pisos nga reward, mabalik lang kini kanila.
