BUTUAN CITY – Gi-andam na ang mga kasong may kalapasan sa Section 5, 11 ug 12 sa Article 2 sa RA 9165 batuk tigpayuhot sa ginadiling drugas nga naaresto sa buy-bust operation kagahapon sa alas 2:25 sa hapon sa may Brgy. Rizal, Socorro, Surigao del Norte.
Naila ang nadakpan nga si Jayson Senyahan gikonsiderang High Value Target. Lakip sa nakuhang ebidensiya ang 7 ka sachet nga dunay sulod sa gitoohang shabu nga gibana-banang mutimbang og 50 gramos.
Narekober usab ang usa ka libo ka pesos nga nagsilbing marked money og ang 7 ka tagsakalibo nga boodle money, ang eyeglass plastic cover nga dunay sulod sa nagkadaiyang paraphernalias, usa ka unit sa android phone og usa ka unit sa keypad nga cellphone.
Gihimo ang operasyon sa mga ginsakupan sa Philippine Drug Enforcement Agency kon PDEA-Surigao Del Norte, Dinagat Island Provincial Office, og Socorro Municipal Police Station.
