BUTUAN CITY – Nagpadala na ang Department of Health (DOH)-Caraga og 5 ka mga samples gikan sa 12 ka mga crews sa tug boat Clyde ug barge Claudia nga nagpositibo sa COVID-19, ngadto sa Philippine Genome Center alang sa himuong genome sequencing aron masayran kung unsa nga variant ang mitapot kanila.
Sa ekskluksibong interview sa Bombo Radyo Butuan, mala-umon si city administrator Rey Desiata nga unta dili Delta variant ang mi-igo sa maong mga tripolante ilabina nga gikan pa sila sa Indonesia, ang nasud nga gi-ila karong epicenter sa COVID-19 sa Asya tungod sa kadaghan sa ilang mga natalang Delta variants.
Sigon ni Desiata, 11 ka mga tawo na ang na-trace nilang nakahugoy-hugoy sa 12 gikan sa 20 ka mga tripolante sa barko ug barge Claudia nga na-isolate na sa taga-Butuan City Health Office aron ilang makab-ot ang incubation period nga pito ka adlaw adiser sila i-swab test.
Ang 11 nga ilang na-contact trace gilangkuban sa 3 ka mga swabbers gikan DO Plaza Memorial Medical Center nga nakabase sa Agusan del Sur, 3 ka mga ahente kondiin ang usa taga-Butuan City samtang ang duha padulong na unta sa Metro Manila apan na-hold pila la oras adiser ang ilang flight.
