BUTUAN CITY – Patay ang lima ka mga tawo sa Aborlan, Palawan tungod sa lapad nga pagbaha nga mugna sa mga pag-ulan dala sa shearline.
Sigon sa mga otoridad, narekober ang patay’ng lawas sa mga biktima human na-anod sa baha sa lungsod sa Aborlan niadtong gabii sa Dominggo, Pebrero 9 kondiin usa usab ka bata ang naluwas.
Sigon sa municipal government, nabahaan ang 24 ka mga barangay nga naka-apekto sa kapin 3,000 ka mga residente ingon man sa panginabuhian sa mga mag-uuma tungod sa pagkadaut sa ilang mga basakan. Hinuon, gitangtang na sa lokal nga kagamhanan ang suspensiyon sa klase ug sa trabaho karong adlawa Miyerkules human gi-ubsan sa state weather bureau ang rainfall warning level.
Apan discretion pa gihapon sa mga school heads, mga administrators ingon man sa mga heads of agencies kung lugwayan pa nila ang class o work suspension base sa ilang assessment sa sitwasyon sa ilang lugar.
Una nang gideklara ang state of calamity sa Puerto Princesa City, sa Palawan tungod gihapon sa pagbaha
