BUTUAN CITY – Dako ang kalipay ni Police Regional Office kon PRO-13 director PBGen Christopher Abrahano nga nakuha sa mga sakop sa Butuan City Police Station 3 ug sa Surigao City Police Station ang 5-minute response policy.
Kini atol sa aktwal nga pagpanawag ni Gen Christopher Abrahano sa maong mga police stations ilabina sa Surigao City aron parespondihan ang Gaisano Surigao kondiin gidagan lang og 2-minutos ang maong pagresponde.
Sigon ni General Abrahano, doable gayud ang deriktiba ni Phiippine National Police Chief Director General Nicolas Torre III alang sa paspas nga pagresponde sa bisan unsa mang hitabo o krimen kansa kinahanglan matud pang paningkamotang mulahutay aron mabati sa publiko ang presensiya ug ka-abtik sa kapulisan.
Gipasabot usab sa opisyal nga ang direktiba sa PNP chief mahitungod sa padaghanay og masikop, dili angayang batikuson o kaha la-inon og sabot tungod kay kini matud pa anga tukmang proseso ug pagtamod sa katungod sa katawhan subay sa balaud.
