BUTUAN CITY – Nasikop ang lima ka mga suspek nga nalambigit sa pagpanulis sa Surigao del Norte atol sa dragnet operation sa Sta. Elena, Camarines Norte.
Ang kapulisan, inabagan sa paniktik sa Claver police, ni-intercept sa mga suspek diha sa Maharlika Highway samtang sila nanagan sakay sa green nga Honda CR-V nga adunay plate number nga LMH 384.
Ang mga suspek, naila nga sila Jessiel Pemetillo, 37 anyos, residente sa Sitio Malingao, Cawag, Subic, Zambales; Jhon Edward Zapata, 24 anyos, taga Baliuag, Bulacan; Jhon Lloyd San Pedro, 22 anyos, taga Baliwag, Bulacan; Mark Evangelista, 21 anyos, taga Baliwag, Bulacan; ug Eduardo Zapata, 45 anyos, taga Subic, Zambales nga nalambigit sa mga kinawat nga butang, lakip na ang electronics ug uniporme sa pulis, nga nakuha uban sa ilang getaway vehicle.
Ang usa ka suspek nga si Eduardo Zapata, nasuta usab nga adunay outstanding warrant alang sa carnapping.
Ang tanan nga mga suspetsado anaa na karon sa kustodiya sa kapulisan alang sa legal nga proseso.
