-- ADVERTISEMENT --
BUTUAN CITY – Gibana-banang mukabat sa 200-mil pesos ang natalang damyos human gilamoy sa grass fire ang lima ka mga sakyanan sa National Grid Corporation of the Philippines kon NGCP dinhi sa dakbayan sa Butuan.
Sigon sa nakasaksi sa maong hitabo nga si Marvin Castrodes, 27-anyos, ulitawo og residente sa Brgy. Magallanes, Agusan del Norte, nakita niya ang usa ka wala mailang indibidwal nga nagdagkot sa mga uga nang tagak nga mga kahoy sa Brgy. Kinamlutan ning siyudad pasado alas-2:12 kagahapon sa hapon.
Wala na kini makontrola pa hangtud nga mikaylap og paspas rason nga apil sa nalamoy ang lima ka mga unserviceable na nga mga sakyanan sa NGCP.
Daling nadeklara ang fireout pagka-alas 3:05 na sa hapon.
