BUTUAN CITY – Hingpit nang gi-ila sa kadagkuan sa New Peoples Army kon NPA-Agusan del Norte ang ilang lima ka mga ka-ubanang manggugubat nga napatay sa pila ka adlaw nga combat operation sa hini-usang pwersa sa militar kondiin narekober ang ilang mga patay’ng lawas uban sa 16 ka mga high-powered firearms.
Sa sulat-pamahayag nga gipadala dinhi sa sibyahan sa nagpa-ilang si Ka Diwa Habagat, tigpamaba sa NPA-Agusan del Norte, gi-ila niini ang ilang mga ka-ubanang namatay nga sila Ruel Arellano Maglasang alyas Ka Adonis/Do/Dolly/Dodo ug iyang asawa nga si Raylyn Cerona Subere alyas Ka Kiya/Apol/April. Anaa pa si Eljie Gomez Adorna alyas Ka Chippy/Raffy/Maleya; Alvet Martines Catapti alyas Ka Renz ug si alyas Ka Mitz/Third.
Dungan niini ang ilang pagpa-abot og pahasubo ngadto sa kabanay ug kahigalaan sa mga namatay. Una nang gibutyag ni LtCol. Cresencio Gargar, ang Commanding Officer sa 29th Infantry Batallion, Philippine Army nga natigayon ang engkwentro niadtong Hunyo 16 sa alas-10:00 sa buntag tali sa ilang tropa kauban ang 30th Infantry Battalion didto sa bukirang bahin sa Upper Anticala, Butuan City.
Gibombahan usab sa Phillipine Air Force ang temporaryong gikampohan sa usa ka yunit sa NPA – Agusan del norte rason sa ubay-ubay nga mga armas nga narekober apil niini ang nom ka AK47 Rifle, upat ka M4 Assault Rifle, upat ka M16A1 Rifle og duha ka 40mm Grenade Launchers.
