BUTUAN CITY – Gi-anunsiyo sa Bureau of Fisheries and Aquatic Resources (BFAR) nga luwas na sa human consumption ang mga shellfish gikan sa lalawigan sa Bataan.
Kini human nagnegatibo na sa makahilong red tide ang mga baybayon sa maong lalawigan human ang duha ka sunod-sunod nga test samples nga gihimo sa mga shellfish ug sa tubig.
Tungod niini ang tanang klase sa shellfish gikan sa mga baybayon sa Mariveles, Limay, Orion, Pilar, Hermosa, Orani, Abucay, Samal, ug Balanga City, luwas nang ka-unon.
Sigon sa BFAR, kadaghanan sa mga baybayon sa nasud, wala’ presensiya sa toxic red tide apil na ang mga baybayon sa Pampanga ug Bulacan sa Central Luzon.
Samtang bugtong ang mga lugar nga apektado sa red tide mao ang Honda Bay sa Puerto Princesa, Palawan; Dauis ug Tagbilaran sa Bohol; San Benito sa Surigao del Norte; ug Dumanquillas Bay sa Zamboanga del Sur.
