BUTUAN CITY – Lima ka mga ilndibidwal ang na-aresto tungod sa illegal possession of explosives atol sa law enforcement operation sa bukirang bahin sa Butuan City ning mi-aging adlaw.
Kini human gi-aksyunan ang sumbong sa usa ka concerned citizen kalabot sa illegal mining activity sa Purok 3, Barangay Don Francisco, kondiin nakuha gikan kanila ang mga eksplosibo ug nasapon pa nga mihimo og illegal mining activity.
Human wala makapakita og permit, gi-aresto gilayon ang lima ka mga lalaking nag-edad og 26 hangtud sa 53-anyos.
Nakuha gikan sa ilang posisyon ang usa ka kilong Ammonium Nitrate, fuel oil, unom ka non-electric blasting cap, 11.6 ka tiil sa time fuse, usa ka improvised wooden flushing box ug usa ka wooden pan.
Anaa pa ang usa ka itom ng aplanggana, usa ka screen nga duna’y balas, 100-meter electrical wire nga duna’y socket, usa ka blue container,ug uban pa kansa gidala ngadto sa Butuan City Explosive Ordnance Disposal and Canine Unit alang sa tukmang disposisyon.
