BUTUAN CITY – Padayon pang gipakisayran sa Bureau of Fire Protection kon BFP-Cabadbaran City ang kinatibuk-ang damyos nga hatud human gilamoy sa kalayo ang limang ka mga commercial buildings kaganinang alas-singko sa buntag sa Asis St., Brgy. 8 sa maong siyudad sakop sa lalawigan sa Agusan del Norte.
Sa eksklusibong pakiginabi sa Bombo Radyo Butuan, gipadayag ni FSI Kenneth de los Reyes na nagsugod ang kalayo sa usa ka mini-mart ug daling mitapot sa kasukbit nga mga tindahan ug hardwares kondiin tulo sa lima ka mga dakbalay, usa lang ang nanag-iya.
Apil sa iyang gipakisayran ang gigikanan sa kalayo nga mi-abot sa Task Force Alpha human girespondihan sa 4 ka mga fire trucks sa ilang siyudad ug wala pa’y labot iang mga mirespondeng gikan sa kasikbit nga mga lungsod ug ning siyudad sa Butuan.
