BUTUAN CITY- Dili mo ubos sa lima ka barko ang gi-atake sa Persian Gulf ug Strait of Hormuz human gi-atake ang mga barkong adunay karga nga eksplosibo gikan sa Iran ang duha ka fuel tanker sa kadagatang sakop sa Iraq, sumala sa mga opisyal sa pantalan ug mga kompanya sa maritime security.
Mingbusikad ang duha ka tanker ug usa ka crew member ang namatay, samtang padayon nga gipangita sa mga rescue team ang uban pang mga nangwala.
Sumala sa mga taho, lakip sa mga barkong na-igo ang Safesea Vishnu ug Zefyros, kansa pareho nga adunay karagang fuel gikan sa Iraq.
Gi-ila ang insidente isip massive tension tali sa Iran ug mga pwersa sa United States–Israel, kung asa ming-abot na sa 16 ka barko ang na-daot sukad nagsugod ang mga pag-atake niadtong Pebrero 28.
Tungod sa padayon nga kagubot sa Strait of Hormuz, nga agi-anan sa dul-an ¼ nga lana sa kalibotan, halos minghunong na ang shipping sa maong lugar.
Nakapahimo kini og pagsaka sa presyo sa lana sa pangkalibotanong merkado, nga ming-abot sa pinaka-taas nga level sukad niadtong 2022.
