BUTUAN CITY – Malampusong nakasurender ang lima ka dagkong lideres sa Communist Terrorist Group nga naglihok sa rehiyon sa Caraga ngadto sa 402nd Infantry “Stinger” Brigade, sa Brgy. Bancasi, Butuan City sa nakalabay nga mga adlaw.
Naila ang mga nagsurender nga sila Rogelio Sapon Gerondio Jr kansa SRC3 Secretary ug nangulo sa Sub-Regional Operations Command; Ruel Nawagas Namansulay usa ka kumander, Maricel Asalan Lunsayan ang political officer; Rexon Sapon Guinar Sr., political officer; ug Nita Ondong Guinar ang medic platoon nga parehong sakop sa Sub-Regional Committee 3 ilalom sa North Eastern Mindanao Regional Committee (NEMRC) diin lakip sa ilang gisurender ang lima ka tag-as nga kalibre sa armas nga gilangkuban sa usa ka AR18 rifle, usa ka M14 rifle, usa ka M16 rifle, ug duha ka punto 45 nga pistola.
Sigon ni BGen Adonis Ariel G Orio, Commander sa 402Bde, sila Gerondio Jr. Ug Namansulay ang nalakip sa listahan sa High Value Individuals sa Joint Task Force Diamond ug Eastern Mindanao Command.
Nagpaabot og pasidungog si MGen Wilbur C Mamawag, Commander sa 4ID sa Joint Intelligence Task Unit sa 402Bde kalabut sa maong pagsurender dayung apela sa nahabiling rebelde nga mobalik na sa sabakan sa balaod aron makabenipisyo sa Enhanced Comprehensive Local Integration Program kon ECLIP sa gobyerno.
