BUTUAN CITY – Pila ka adlaw na lang, mao na ang unang regional parliamentary elections sa Bangsamoro Autonomous Region in Muslim Mindanao (BARMM) ug ning adlawa, gisugdan na sa Commission on Elections (Comelec) ang filing period sa certificates of candidacy (COCs) niadtong mga gustong mukandidato.
Duna pa’y hangtud sa Nobyembre 9 ang mga aspirants pag-file sa ilang COCs ug declarations of intent aron mulambigit sa parliamentary elections sa Muslim-majority region.
Gitakda ang unang BARMM parliamentary elections sa May 12 sunod tuig 2025 dungan sa local ug national midterm elections kondiin ang mahimo unya nga mga membro sa regional parliament, maoy mupili og chief minister sa BARMM.
Himuon ang eleksyon human ang pila ka tuig nga pagdumala sa interim parliament, ang Bangsamoro Transition Authority (BTA), nga gitudlo ni kaniadto Pangulong Rodrigo Duterte human ang kamugnaan sa rehiyon niadtong tuig 2019.
Ang kasamtangang chief minister sa BARMM mao si Ahod “Al Haj Murad” Ebrahim, usa ka presidential appointee, uban sa lain pang mga BTA members.
