BUTUAN CITY – Usa ka 5-anyos nga bata sa China ang mihimo og kasaysayan human siya opisyal nga giila isip pinakabatang professional racecar driver sa tibook kalibutan.
Nakuha ni Shao Ziyan ang iyang opisyal nga lisensiya ug training certificate gikan sa RUNRACING Driving Academy, nga giila sa China Automobile and Motorcycle Federation, niadtong April 9, 2023.
Sa batang edad nga 1 year old, nahigmata na siya sa paggamit sa racing simulators. Adiser pa mag-tres-anyos, nagmaneho na siya og race karts.
Pag-abot niya sa 4-anyos, nagsugod na siyang misalmot sa mga propesyonal nga rally events diin nasakmit niya ang Hope Star Award sa 2023 China Rally Sprint Championship.
Nahimong sikat usab siya sa mga sikat nga racing simulators sama sa DiRT Rally 2.0 ug WRC 10 diin nakasulod siya sa top 30 sa pinakamaayong virtual drivers sa tibook kalibutan.
Aron suportahan ang talagsaong talento sa bata, namuhunan ang iyang amahan sa gibana-banang 800-mil yuan o anaa sa 6.4 milyones pesos para mopalit og mag-ayo sa mga modified racecars ug advanced driving simulators. Ang iyang amahan usab ang mismong nagsilbing co-pilot ni Ziyan sa mga opisyal nga karera.
Bisan paman sa iyang kamaayo nga kayang agbaton ang mga professional racecar driver, wala gitugutang magmaneho si Ziyan sa mga pampublikong kalsada.
Isip hugot nga pagsunod sa Road Traffic Safety Law sa China, ang tanan niyang gigamit nga racecars gisakay una sa trailers padulong sa mismong race venues.
