BUTUAN CITY – Gila-uman ni House Secretary General Reginald Velasco nga duna pa’y ika-upat nga impeachment complaint nga ipasaka batuk kang Vice President Sara Duterte tungod kay duna’y pipila matud pa ka mga membro sa House of Representatives nga mihangyo og extension tungod kay ila pang gihuna-huna ang pag-file og laing complaint.
SIgon ni Velasco, kung ipasaka kini karong Lunes, iya pang desisyunan kung iya ba kining i-refer ngadto kang House Speaker Martin Romualdez o kaha idelatar pa tungod usab kay iya pa kining i-refer ngadto sa Legal Department alang sa dugang pagtuon.
Gibulgar pa ni Velasco nga laing grupo sa napulo ngadto sa 12 ka mga membro sa House of Representatives gikan sa majority ug minority blocs ang nagsulti kaniya nga plano usab nilang mag-endorso sa usa sa tulo ka mga impeach complaints apan wala na kini panganli pa ni Velasco.
