BUTUAN CITY – Nakab-ot na usab og operasyonal nga kalampusan ang tropa sa 4th Infantry (Diamond) Division batok sa New People’s Army (NPA) human nga duha nila ka membro ang nagsurender og upat ka high-powered firearms nga nakuhà sa lain-laing operasyon sa Bukidnon ug Surigao del Sur.
Ang duha ka NPA members misurender sa 8th Infantry Battalion niadtong Marso 12 sa Impasug-ong, Bukidnon tungod sa padayon nga presyur sa operasyon sa militar ug pagkunhod sa suporta sa lokal nga komunidad kondiin human sa ilang pagsurender, ilang gihatag ang usa ka M16 rifle.
Sumala ni Lieutenant Colonel Jeorge Jallorina, Commanding Officer sa 8IB, ang ilang pagsurender nakahatag og bililhon nga impormasyon nga makatabang sa padayon nga seguridad ug sa plano nga pagbungkag sa nahibilin nga pwersa sa NPA sa ilang area of responsibility.
Samtang ang tropa sa 30th Infantry Battalion nakadiskubre og tulo ka M16 rifles, usa ka Colt M4 rifle, magazines, bala ug uban pang war materiel sa Sitio Gis Anan, Brgy. Carromata, San Miguel, Surigao del Sur niadtong Marso 13.
