BUTUAN CITY – Gisang-at na ni Duterte Youth Chairman Ronald Cardema ang Temporary Restraining Order ingon man ang Writ of Preliminary Mandatory injunction sa Korte Suprema human gisuspende sa Commission on Election (COMELEC) ang proklamasyon sa ilahang partylist nga Duterte-Youth.
Sumala ni Cardema nga dili matud pa makatarunganon nga pagsuspende sa ilahang partido. Dugang niini nga kalapasan ug panghinubra matud pa ang gihimo kanila sa COMELEC, ilabi na nga anang adlawa pa lamang sila nakahibalo nga gi suspende na diay ang ilahang proklamasyon rason nga wala na silay nahimo.
Nagtoo matud pa siya ug ang ilahang partido nga daw gituyo sa COMELEC ang pag-ipit kanila tungod kay sumala niini, kung niadtu pa untanang nakalabayng semana kini gipahibalo kanila, duna na untana silay nahimong remedyo arun sulosyunan ang nasangpit nga suspensyon.
Pangutana usab ni Cardema, nganong karon pa sila gisuspende sa komisyon diin pasumangil matud pa niini ang seryosong kaso nga naka ung-ong batok kanila.
Ang pamahayag ni Duterte Youth Chairman Ronald Cardema. Sayrang usa lamang ang Duterte Youth sa tulo ka mga partylist nga nakakuha og tulo ka mga lingkoranan sa kongreso karong 20th Congress, kauban niini ang Akbayan ingon man Tingog Partylist.
