BUTUAN CITY – Landing sa balay-tambalanan ang usa ka dispatcher sa Brgy. Ampayon ning dakbayan sa Butuan, human kini gipusil sa wala pa mailang suspetsado.
Subay sa inisyal nga imbistigasyon, giila lamang ang biktimang si alayas Tuko, hingkod, minyo, ug residente sa Brgy. Basag ning dakbayan. Sigon sa mga saksi nga mismong ang biktima pa ang nidangop sa pinaka duol nga police station human kini napusilan. Sayrang kalit lamang gipusil ang biktima samtang kini nag stand by kilid sa National Highway sa P-4, atbang sa Rotonda sa nahisgutang Barangay.
Subay ni Trinidad Calungga, tindira sa usa ka stall asa gipusil ang biktima, nahitabo ang maong krimen bandang alas 9 y media ang takna sa gabie. Subay niini nga nidalikyat pa ang maong biktima sa police station taliwala pa man sa naangkon niinig samad-pinusilan, dayong hanyo nga magpadala sa ospital.
Dugang sa saksi nga wala matud pay Pulis sa nasangpit nga bisinidad taliwala pa man nga pila lamang ka metros ang gilay-on sa crime scene sa gimuntar nga police box, kini tungod kay sayo matud pa nanguli ang mga on-duty nga kapulisan.
Ang pamahayag sa saksi ng si Trinidad Calungga. Subay niini, tumang kalisang usab ang gibati sa kaubang dispatcher ni Alyas Tuko nga si Rogelio Molleida tungod kay tapad lamang matud pa sila sa biktima.
Saysay usab niini nga wala na siya makakita sa suspek tungod kay gisiguro naman niini og kober ang iyahang kaugalingon.
Sa kasamtangan, padayon pa ang lawom nga imbistigasyon sa mga kapulisan sa nasangpit nga panghitabo, samtang anaa pa usab sa balay-tambalanan ang biktima.
