BUTUAN CITY – Ipakatap sa Philippine National Police (PNP) ang anaa sa 37,750 ka mga kapulisan ugmang adalwa ubos inisyatiba sa maong buhatan nga Oplan Balik-Eskwela 2025–2026, sa tibuok nasod isip kabahin sa luwas nga pag-abli sa klase.
Sumala sa PNP nga mokabat sa 45,974 ka mga tunghaan ang bantayan sa mga kapulisan kansa gilangkuban sa 38,292 ka pampublikong tunghaan ug 7,682 ka pribadong tunghaan.
Duna usab 5,079 ka mga police assistance desk sa tibook nasod nga gidumala sa 10,759 ka mga pulis. Samtang 10,687 ang mopahigayon og mobile patrols uban ang 16,366 ka mga magpahigayon og foot patroling.
Subay sa kapulisan nga naa sa Central Visayas ang pinakadakong deployment sa ilahang han-ay sa 7,366; nagsunod niini ang Metro Manila ngadunay 4,323; Bicol Region: 2,962; Eastern Visayas: 2,376, ug Bangsamoro Region nga dunay 2,898 police officers alang sa 657 ka mga tunghaan.
Una nang gikabutyag ni PNP Chief Gen. Nicolas Torre III nga tumong sa mga kapulisan ang magpabiling han-ay ang pag-abli sa klase ilabi na alang sa mga ginikanan ug mga ka estudytantehan.
