BUTUAN CITY – Gi-andam na sa kapulisan sa Barobo, Surigao del Sur ang kasong murder nga ilang ipasaka batuk sa amahan og anak nga mag-uuma nga maoy mitigbas-patay sa usa ka gi-hire lang nga geodetic engineer aron pag-survey sa usa ka agricultural land.

Sigon ni P/Chief Insp. Joseph Gimentiza, hepe sa Barobo Police Station, pa-uli na unta si Engr. Allan Paramonte, 42-anyos, minyo og residente sa Purok 4, Brgy. Poblacion lungsod sa Bunawan, Agusan del Sur dihang gipanigbas sa mga suspek nga sila Hepolito Berdin Sr. og anak niining si Ramil human ang insidente pasado alas-2:50 kagahapon sa hapon sa Sitio Pague-pague sa Brgy. Dughan lungsod sa Barobo.

Gidugang sa opisyal nga posibleng wala matud pa masabti sa mga suspek ang katuyu-an sa pagpa-survey sa yuta nga kasikbit sa ila kansa gipanag-iyahan ni Edilberto Montes.

Posible matud pang nagtuo ang mga suspek nga makuhaan ang ilang gipanag-iyahang yuta human sa survey, hinungdan sa nasangpit nga insidente.