BUTUAN CITY – Gi-isyuhan sa Department of Environment and Natural Resources (DENR) ug notice of violations ang 49 ka mga business establishments sa isla sa Siargao sa probinsya sa Surigao del Norte.
Sigon ni Environment Secretary Roy Cimatu, ang mga resort ug restaurant nga giisyuhan ug notice of violation ang posibleng nakalapas sa Clean Air Act, Clean Water Act, ug Environmental Impact Statement System.
Pipila usab matud pa sa mga violations sa mga establisyimento ang kapakyas nga magsumite ug environmental compliance certificates o ECC gikan sa DENR, ug kawalay sewage treatment facility.
Sigon ni Cimatu, ang Siargao ang usa sa pinaka-nindot nga tourist spots sa nasud ug ginabisita usab kini sa mga turista nga mahilig mag-surfing, ug himuon matud pa nila ang tanan aron protektahan ang kalimpiyo ug kaanindot sa isla.
Dugang pa sa kalihim, ang Siargao abunda sa mga endemic nga flora ug fauna nga protektado ilawom sa Proclamation Number 902 nga pirmado ni kanghi Pangulong Fidel Ramos. Nasayran nga sa kinatibuk-ang isla,
muabot sa 148 ka mga establisamento ang nag-operate. Mahinumdumang ning nakalabay’ng buwan, 81 ka establisyimento usab ang gipadalhan sa DENR ug Notice of Violation sa isla sa Boracay.
