BUTUAN CITY – Gikompirma sa Department of Justice (DOJ) nga gipasakaan na og multiple counts of murder ug serious illegal detention ang artistang si Gretchen Barretto ingon man ang kauban niini sa negosyo, lakip na ang suod niining neosyanteng si Atong Ang ug uban pang may kalambigitan sa pagkahanaw sa mga sabungero.
Sumala ni DOJ Secretary Jesus Crispin Remulla nga mismong ang mga kabanay sa mga biktima sa nangawala nga mga sabungeros ang mipasaka sa kasong multiple murder ug serious illegal detention sa maong mga personalidad.
Dugang sa kalihim nga tataw matud pang dunay kalambigitan si Ang sa maong kaso. Gidayeg usab ni Remulla ang whistleblower nga si Julie “Dondon” Patidongan sa kaisog niini sa pagbutyag sa mga nagpaluyo sa pagkahanaw sa mga sabungero.
Giisip ni Remulla nga “main player” si Ang sa maong kaso ilabi na nga siya ang amo ni Patidongan. Masaligon usab si Remulla nga dunay patas nga pagdungog sa kaso aron masulbad kini sa hustong paagi.
Kahibaloang nalambigit si Barretto sa maong kaso human siya gilakip ni Patidongan pagbulgar nga duna matud pay nasayran sa pagkamatay sa mga missing sabungeros. Sa kasamtangan, wala pay kisaw ang maong artsita, ilabi na sa social media platforms niini.
