BUTUAN CITY – Ilhon na sa United Kingdom ang Palestine isip estado karong Septembre, kini ang gianusnyo ni UK Prime Minister Keir Starmer, gawas na lamang matud pa kung mohimo ang Israel og substansyal nga lakang arun tutukan ang krisis sa Gaza.
Lakip sa mga giyagyag ni Starmer nga sundon sa Israel mao ang pag undang na sa “appalling situation” sa Gaza; pagtugot og ceasefire; tugutan ang UN nga makahatud og humanitarian aid deliveries, ug uban pang may kalambigitan sa long term peace process.
Dugang sa lider, kinahanglang usab nga sundon sa mga Hamas ang mga musonod: Buhian ang mga hostages, mopirma sa ceasefire deal, dis-armahan, ug dawaton nga wala na silay hawirang papel sa pangamhanan sa Gaza. Una nang gipermahan ang maong desisyon sa kapin 250 ka mga Miyembro sa Parliamento sa maong nasod.
Pasabot pa ni Starmer nga dili gasa sa mga silingang nasod ang pag-ila sa Palesitine isip Estado, kundili inalienable right kini sa mga Palistino.
Ang pamahayag ni UK Prime Minister Keir Starmer.
