BUTUAN CITY – Hugot nga nagtoo si Pangulong Ferdinand Marcos Jr. nga mamahimo lamang nga mahatagan og kahulogan ang kagawasan sa Pilipinas kung wala nay mga Pilipino nga gutom, ug wala na usay mga nabiyaan sa kapanahunan, ug natabangan na ang mgatag-usa sa ilahang mga panginahanglan.
Sigon ni Marcos, dili matud pa mahitungod sa kagawasan sa kasaysayan sa pagkagawasnon gikan sa mga mananakop kundili ang kagawasan sa mga Pilipino gikan sa matag-adlaw niining pagkigbatok sa kapubrehon.
Sumala sa Presidente nga walay pulos ang pagkayab-kaayb sa bandera sa Pilipinas kung walay makaon ang mga Pilipino, walay tarong nga transportasyon, tambal sa mga dunay sakit, ingon man dignidad alang sa mga mamomuo.
Tungod niini, gihagit sa Presidente ang mga opisyal sa gobyerno nga manubag sa mga Pilipino, ug dili mamahimong abusado ug tig-papogi lang sa ilahang mga trabaho.
Sugyot niini nga kinahanglang dili sayangon sa mga opisyal ang pagsalig sa publiko ilabi na taliwala sa mga gikaatubang nga problema sa nasod.
