BUTUAN CITY – Gibawalan na ang common law wife ni kanhi Presidente Rodrigo Roa Duterte nga si Honeylet Avanceña sa pagbisita niini sa International Criminal Court (ICC) detention facility sa The Hague.
Sayrang ningtumaw ang maong restrictions human nasuta nga nakig-hinabi kini sa Presidente mahitungod sa kaso niini, pinaagi sa phone call niadtung Hulyo 19 — usa kini sa mga violation protocol sa nasangpit nga detention facility.
Gikumperma na usab sa lead counsel ni Duterte nga si Nicholas Kaufman ang maong isyu, apan wala na kini nag hatag pa og dugang pamahayag.
Subay sa video nga gi-upload sa vlogger nga Maharlika’s Boldyak TV, gipanghimakak ni Avanceña ang alegasyon batok kaniya.
Apan, nagpahiwatig kini nga daw dunay bangi sulod sa legal team ni Duterte, ilabi na sa managlahing legal approach niini.
“I have nothing against you (Kaufman), but please do not deprive us of asking other people… of asking legal opinions from other lawyers also, but we acknowledge you as his lawyer. However, if our positions were reversed and you were inside (the prison), what would your spouse do then?”
Honeylet Avanceña
Subay niini, giila gihapon ni Kaufman ang gibati ni Honeylet, apan gipanghimakak niining dunay bangi sulod sa Legal team ni Duterte.
“Honeylet Avanceña, so it would appear, is emotionally distressed for reasons on which, as I mentioned previously, I cannot elaborate. As a consequence, she is making all sorts of wild allegations, which are being stoked by others,”
Nicholas Kaufman
