BUTUAN CITY – Walay palabyon si Pangulong Ferdinand Bongbong Marcos Jr. sa isyu sa korapsyon sa mga flood control projects, ka-alyado man niini o dili. Usa kini sa laing isog nga pamahayag sa presidente sa laing episode na usab sa podcast niini.
Kahinumdumang usa sa highlight sa Presidente sa ika-upat niyang State of the Nation Address mao ang pagyawyaw niya sa mga politikong may kalambigitan sa kurapsyon sa mga flood control projects.
Sigon pa sa Presidente, dili na niya matawag nga ka-alyado ang mga politikong nalambigit sa kurapyson sa mga proyekto niini sa flood control.
Ang pamahayag ni Presidente Ferdinand Bongbong Marcos Jr.
Lakip usab sa gilakbitan sa Presidente sa podcast niini mao ang K-12 curriculum, diin gi-angkon niini ang mga pagsulay sa maong curriculum, apan ipabilin lamang una kini samtang palamboon sa tabang ni Education Secretary Sonny Angara.
Gisaad usab sa Presidente nga padayon ang paningkamot sa iyang kagamhanan alang sa pagpatuman sa baratong bugas.
