BUTUAN CITY – Padayong gihatagan og seguridad sa kapin 1,700 ka mga law enforcers sama sa kapulisan, kasundaluhan ug uban pa, ang mga delegado sa 44th Association of Southeast Asian Nations kon ASEAN Capital Market’s Forum Chairs’ Meeting nga matapos karong adlawa human gisugdan niadtong Marso 24, Martes.
Sigon ni Police Master Sgt Jane Vega, tigpamaba sa Aklan Police Provincial Office, katambayayong nila ang kapin 500 ka mga force multipliers aron mamintina ang kahapsay, kalinaw ug kaluwasan sa mga foreign delegates ug mga bisita samtang dili pa matapos ang panagtigom.
Alayon niini, gipatuman sa kapulisan ang temporaryong pagsuspende sa permit to carry firearms outside residence sa isla sa Boracay sukad pa niadtong Marso 21 hangtud sa Marso 28 isip kabahin sa seguridad sa ASEAN meeting.
