BUTUAN CITY – Mi-abot sa 440 ka membro sa Filipino-Chinese Community dinhi sa Butuan City, Agusan Del Norte, ug Agusan Del Sur ang natupukan sa unang dose sa Sinovac vaccines nga gipahigayon sa may Robinsons Place Butuan.
Kini human nangabot niadtong Lunes, ang 500-thousand doses sa maong bakuna nga gipalit sa Federation of Filipino Chinese Chamber of Commerce and Industry, Inc. kon FFCCCII niadtong Hunyo 17, ning tuiga.
Mukabat usab sa 880 ka mga vials sa Sinovac ang gigahin aron magamit sa second dose ssa mga natupukan na sa first dose.
Sigon ni Joey Tan, Presidente sa Filipino-Chinese Chambers of Commerce and Industry, Inc., ning mi-aging Nobyembre pa nila kini gipalit ug nariyalisar ang ilang vaccination roll out tungod sa pag-abag sa mga personahe sa lokal nga kagamhanan sa Butuan ug sa Department of Health kon DOH-Caraga nga mipahulam sa ilang vaccination team.
