BUTUAN CITY – Gipahibalo ni Department of Public Works and Highways (DPWH) Secretary Vince Dizon nga nakadiskubre sila og 421 ka mga ghost flood control projects sa nagkalain-laing bahin sa Pilipinas.
Sa gihimong press conference sa opisyal ka-uban si Independent Commission for Infrastructure Executive Director Brian Keith Hosaka, gipadayag sa kalihim nga ka-abag nila sa gihimong validation sa mga gipangsumbog nga anunalusong proyekto ang Armed Forces of the Philippines (AFP), Philippine National Police (PNP) ug ang Department of Economy, Planning, and Development kon DepDev.
Dinhi natumbok nga sa 8,000 ka mga proyektong gi-inspeksyon sa bisan asang dapit sa nasud, 421 niini ang natumbok nga mga ghost flood-control projects ug ang maong impormasyon, ila nang gisubmite ngadto sa Independent Commission for Infrastructure (ICI) aron ma-apil sa ilang imbestigasyon.
Gipadayag pa sa kalihim nga inisyal pa lamang nga siguradong madugangan pa sa pagpadayon sa inspeksyon.
Samtang gipadayag usab ni ICI Executive Director Brian Keith Hosaka nga ila nang girekomenda ngadto sa Department of Public Works and Highways (DPWH) nga ubsan ang ilang threshold sa Levels of Authorities kon LOA pag-abot sa procurement sa mga civil works project.
Gikan matud pa sa kanhi 400-milyunes pisos nga limitasyon sa Regional Engineering Office, himuon na lang kining 200-milyunes pusis samtang sa district level, kunhuran usab kini ngadto sa 75-miyunes pisos gikan sa 150-milyunes pisos.
Tumong niini nga mapahapsay ang kontrol, transparensiya ug accountability sa proseso sa pagpatuman sa ilang mga proyekto.
