BUTUAN CITY – Gihulat na lang ang mandu ni Department of Environment and Natural Resources kon DENR secretary Roy Cimatu aron mapadala na ang muabot sa 401,000 board feet nga kahoy ngadto sa Marawi City para sa rehabilitation program.
Kini ang gikumpirma ni DENR-Caraga Regional Director Charlie Fabre sa pakighinabi sa Bombo Radyo Butuan.
Sigon ni Fabre, ang gipadala nilang mga kahoy mao ang kadtong mga na-embargo nilang illegal nga kahoy sa nagkada-iyang bahin ning rehiyon.
Gipilian nila kini ug maayong mga klase nga ipadala sa Marawi aron magamit sa paghimu ug mga balay subay sa ipatumang rehabilitation effort nga gial-umang sugdan sunod tuig.
Gihinay-hinay na nila ug hakot ang maong mga kahoy ngadto sa pantalan sa Nasipit, Agusan Del Norte aron dali rang mapadala ugaling barko ang gamiton sa pagtransport niini ilabina kung mapirmahan na deed of donation alang sa maong mga kahoy. (Rolan Janea)
