BUTUAN CITY – Dili mu-ubos sa 40 ka mga tawo ang patay sa southern Gaza samtang ubay-ubay ang angol sa gilusad nga air strikes sa Israel didto sa usa ka designated humanitarian zone.
Sigon sa Civil Defence authority nga gipadagan sa Hamas, gi-angkon sa mga residente nga tulo ka mga strikes ang mi-target sa mga tents nga gipuy-an sa mga namakwit nga katawhan apil na niini ang humanitarian zone sa al-Mawasi, sa kasadpang bahin sa Khan Younis City nga mimugna pa og dagkong craters nga duna’y giladmong 7-metros.
Samtang gibutyag usab sa Israeli military nga gi-atake sa ilang aircraft ang usa ka operations centre sa Khan Younis nga gipanag-iyahan sa mga Hamas fighters, ug mihimo na usab sila og mga lakang aron maminusan ang risgo nga ma-among ang mga sibilyan.
