BUTUAN CITY – Gibana-banang milyunes pesos nga kantidad na usab sa 40 ka bloke sa suspected cocaine ang napalgan sa tulo ka mga mangingisda sa kadagatan ng Burgos, Surigao del Norte kagahapon sa alas-4:30 sa hapon.
Naila ang mga mangingisdang sila Alvin Dumanhog, Abunjo Dumanhog og Rodolfo Romero nga parehong mga residente sa Brgy. Poblacion 1 sakop sa susamang lungsod.
Sigon ni Police Chief Master Sergeant Marcelo Ipan Sr. sa Burgos Municipal Police Station sa eksklusibong interview sa Bombo Radyo Butuan, 2 sa 40 ka mga bloke ang nabasa na apan tibuok pa gihapong napalgan ang tanan tungod kay gi-usa man kini og butang sa fishnet kondiin ang matag-usa duna’y tatak nga PV Bugatti.
Gidala na kaganinang kaadlawon ni Police Captain Carter Yamba – hepe sa Burgos MPS ang maong mga bloke sa cocaine sa Surigao del Norte Police Provincial Office og gidala na usab sa Police Regional Office-13 sa Butuan City aron ipresentar kini sa media dinhi sa dakbayan sa Butuan.
